21-31 майыште Сочи олаште изирак олала да селаласе школлаште тунемше-влак коклаште шахмат дене III Всероссийский турнир лийын. Тушко элнан 56 регионжо гыч участник-влак ушненыт.
Марий Элын чапшым ты турнирыште Параньга посёлкысо школын тунемшыже-влак араленыт. Наставникышт — Г.Г.Сибагатуллин. Шахматист-влак: Марат Рахимов (спорт мастерыш кандидат), Николай Тупицын, Тимерхан Рахимов (спорт мастерыш кандидат), Самира Валиуллина 29 очком погеныт да чемпион лийыныт. Тренер ден воспитанник-влакым уло кумылын саламлена!