17 апрельыште Марий Турек район Арбор селасе книгагудышто «Калык‑влакын икоян улмышт — Российын вийже» темылан пӧлеклалтше «Библиойӱд – 2026» эртен.
Мероприятийым «Чолга ӱдыр-влак»ансамбльын выступленийже сӧрастарен.
Артист-влак марий, руш, одо да татар-влакын тӱвыраштым ончыктышо калык муро да куштымаш дене уна-влакым куандареныт. Йоча-влаклан усталык зоно-шамыч пашам ыштеныт. Тыгак «Шахмат уша» программыш чыла кумылан ушнен кертын. «Российысе калык-влакын кухньышт» дегустацийыште икмыняр калык кочкышым тамлен ончаш йӧн лийын. Пайремым тӱрлӧ ончер-шамыч оҥайракым ыштеныт.
Кас мероприятийын участникше ден организаторжо-влаклан грамотым торжественно кучыктымышт дене мучашлалтын.
