Марий Элыште «Шарнымаш сад» акций мучашлалтеш. Тений Кугу Отечественный сарыште сеҥымылан 80 ий теммылан пӧлеклалтше ты мероприятийлан келшышын, кундемыштына 500 тӱжем наре пушенгым шындышаш улыт.
Эртыше кечылаште Марий Элысе Пӱртӱс министерствын да Российысе Пӱртӱсым аралыме обществын регионысо пӧлкажын пашаеҥже-влак ты акцийыш ушненыт да Учебно-опытный участковый лесничествыште 2 гектар кумдыкышто 5 тӱжем наре пӱнчым шынденыт, палдарен соцкылыште пӱртӱс поянлык, экологий да йырым-йырысе средам аралыме шотышто министр А.Киселёв.
Марий Элысе Пӱртӱс поянлык, экологий да йырым-йырысе средам аралыме министерствын сайтше гыч налме фото.