Марий Элым Вуйлатыше Юрий Зайцев Россий Правительствын вице-премьерже Марат Хуснуллинын эртарыме Регион-влакым вияҥдыме шотышто Правительственный комиссийын заседанийышкыже онлайн ушнен.
Тушто 2025 ийыште илыме верым чоҥымо, корно да коммуналный инфраструктурым уэмдыме шотышто нацпроект, федеральный ден региональный программе-влакым шыҥдарыме шотышто иктешленыт.
– Ме Россий Президент Владимир Путинлан 2025 ийысе паша лектышна нерген увертаренна: Российыште уло историйым ончалаш гын, икымше гана 150 млн наре квадратный метр илыме верым сдатленна, – палемден Марат Хуснуллин.
Марий Элыште кодшо ийын 481,9 тӱжем кв. метрым (план тыгодым 478 тӱжем кв. метр лийын) чоҥымо, тышеч 274,9 тӱжем кв. метрже – посна пӧртлаште.
Кундемыштына аварийный пӧртла гыч федеральный проект почеш 1,8 тӱжем кв. метрыште илыме вер гыч вес вере 126 еҥ илаш куснен, тидыже планым кок пачаш эртыме. Ты проект почеш 194,8 млн теҥгем кучылтмо.
2026 ийыште «Инфраструктура для жизни» нацпроект почеш у илыме верым 401 еҥлан пуышаш да еҥ-влакым 6,05 кв метр кумдык гыч кусарышаш улыт. Тидлан 515 млн теҥге ойыралтын.
2025 ийыште «Формирование комфортной городской среды» федеральный проект почеш 54 верым сылнештарыме. Вес ийынат тынарымак уэмдаш палемдыме.
Тичмашнек ончалаш гын, Марий Эл Российысе «ужар» зоно-влак равламыш пурен, кудышт «Инфраструктура для жизни» программын показательже-влакым сайын шуктеныт.