Екатерина Кожевникова, «Онар» ресторанын управляющийже:
– 2025 ий тӱрлӧ оҥай тат дене шарнымашеш кодеш. Мый шуко жапым пашаште эртарем, каныш кечылаште тӱрлӧ мероприятийыште тыршем. Ончыч «Марий сийгудо» кафеште веле ыштенам гын, тений гыч «Онар» рестораныштат пашам вораҥдарем. Туге гынат еш нерген эреак шонем. Тений ныл ияш изи ӱдыремым да авамым Шем теҥыз воктеке икымше гана канаш намиен коштыктенам. Нуно тидлан пеш йывыртеныт. Тылеч посна шке виемлан ӱшанаш тӱҥалынам. Ончыч кугу паша деч лӱдмашанла чучын, но вий-куатем уло улмаш.
2026 ий ласка лиеш манын ӱшанем. Тӱҥжӧ – лишыл еҥем да икшывем-влак таза лийышт. Вет илыш тудо тугай – чылажымат шке кидыш налман.