СВО-н участникше-влакын ешыштлан «СВОя сила» социальный вияҥмаш да полышым пуымо проектын кокымшо йогынжын выпускнойжо лийын.
6-7 декабрьыште Москошто «СВОя сила» проект кышкарыште специальный военный операцийын участникше-влакын ешыштлан профессийлан угыч ямдылыме нерген дипломым торжественно кучыктымо. Выпускной военнослужащий-влакын ешыштлан келге полышым пуымо да мом ыштымым иктешлыме атмосферыште эртен.
Кокымшо йогынышто Марий Эл гыч Йошкар-Ола, Медведево посёлко да Шернур район гыч 6 ӱдырамаш тунемын. Регионышто кураторлан И.В.Багаева, координаторлан М.А.Соловьева, модератор-психолог-влак О.В.Калмыкова ден Е.В.Гребенева шотлалтыт.
Проектын инициаторжо да лидерже – Марий Элын Россий Президент пеленысе Постоянный представительже Ольга Бадма-Халгаева. Туныктымо программын авторжылан Москвасе практический психологий школын директоржо Гули Тахировна Базарова шотлалтеш, а тӱҥ партнёржо-влак Томскысо кугыжаныш университет, Моско психоанализ институт да Российысе «Знание» обществе лийыныт.