Нине пайрем-влакын тӱҥыштлан шотлалтше исторический событий-шамыч арамлан огыл шкешотан улыт. Ты кечын элнан да республикнан ончыкылыкшо верч икоян улмынам, кугезына-влакын йӱлаштым жаплымынам, Шочмо элым да вершӧрым йӧратымынам поснак чот умылена.
1920 ий 4 ноябрьыште Марий автономийым ыштыме шотышто декретым подписатлымаш марий калыкын пӱрымашыжым да регион вияҥмым икмыняр ийлан ончыко палемден.
Таче ме республикнан сеҥымашыж дене кугешнен кертына: промышленность ден ялозанлыкын вияҥмышт, инвестиций да инфраструктур проект-влакын илышыш пурталтмышт, калыкын тӱвыра поянлыкым арален кодымыжо, аграрий, учёный, чоҥышо, тӱвыра пашаеҥ, спортсмен да моло профессийыште тыршыше-шамычын кугу кӱкшытыш шумышт дене.
Ты кечын ветеран, Кугу Ачамланде сар годым тылыште тыршыше да сар деч вара регионым нӧлтымаште ыштыше-влаклан тауштена. Спецоперацийыште мемнан тыныслыкна верч лӱддымын шогышо землякна-влаклан вуйнам савена. Те мыланна патыр улыда.
Ӱшанем, тӱшка вий дене чыла нелылыкым сеҥена да республикнан ончыкылыкшо верч чыла шонымашнам илышыш пуртена. Пеҥгыде тазалыкым, кажне суртышто эсенлыкым, тыныслыкым да чыла пашаште пиалым тыланем!
Михаил ВАСЮТИН, Марий Эл Республикысе Кугыжаныш Погынын Председательже.