Саранскыште 16 ияш марте рвезе-шамыч коклаште греко-римский кучедалмаш дене Артём ден Максим Сурковмытын (греко-римский кучедалмашын легендыже, Российын, Европын, тӱнямбалын чемпионжо-влак) призышт верч Российысе таҥасымаш лийын. Тушко элнан 23 олаж гыч 500 наре спортсмен чумырген.
Тушто Марий Элысе спортивный кучедалмаш дене спортшколын воспитанникше-влак кандаш комплект медальым сеҥеныт. Шӧртньӧ медальым Максим Лебедев (32 кг), Артём Грецов (44 кг), Матвей Колесниченко (57 кг), Егор Данилов (62 кг) налыныт, ший медаль дене Юрий Рожкин (68 кг) суапландаралтын, той медаль дене Константин Иринов (57 кг), Дмитрий Дерябин (52 кг), Никита Таланцев (92 кг) палемдалтыныт.
Марий Элысе Спорт министерствын сайтше гыч налме фото.