Йошкар-Оласе историй да археологий тоштерыште «470» лӱман выставке таче, 7 декабрьыште, 15 шагатлан почылтеш.
Экспозиций Марий кундемын Руш кугыжанышыш пурымыж дене кылдалтын. Ончерыште ХVI курымысо Лицевой летописный свод гыч копий ден изи ужашым вераҥденыт. Тыгак Т.Евсеев лӱмеш тоштерын фондшо гыч XVII-XX курымласе археологический, нумизматический да тыглай писменный материал-влакым ужаш лиеш.
Ончер 30 апрель марте пашам ышта.