Сеҥымашын XXX идалыкше лÿмеш тÿвыра полатын зданийжым икымше гана олмыктат.
Окса полыш оласе администраций деч толеш. Кызыт полатыште окнам да леведышым вашталтат. Полат кӧргымат шот дене олмыктат. Тушто икмыняр пӧлемым посна тематике дене лабораторийыш савырат. Умбакыже нунын негызеш мастер-классым, музык курсым, театрал ден медийщик-влакын погынымашыштым эртарат. Олмыктымо паша деч вара полатыште шуко мероприятий оксам тӱлыде лиеш.
Сеҥымашын XXX идалыкше лÿмеш тÿвыра полатым Марий Элыште эн кугу тӱвыра полатлан шотлыман. Тудым 1975 ийыште типовой проект почеш чоҥеныт да 9 Майлан торжественно почыныт. Пел курым жап эртен гынат, палемдыме полат Йошкар-Олаште ик эн сай концерт площадкылан шотлалтеш. Тӱвыра полатыште кок зал уло: изи (300 вер) да кугу (1000 вер).