«Руш классикын поянлыкше» («Сокровища русской классики») Россий кӱкшытан сылнымут акций тӱҥалеш.
15 сентябрьыште ведомстве-влак кокласе «Культура для школьников» тӱвыра проект кышкарыште 2025 ийысе писатель ден поэт-юбиляр-влаклан пӧлеклалтше «Руш классикын поянлыкше» всероссийский сылнымут акций тӱҥалеш.
Тений тӱнямбал тӱвырашке моткоч кугу надырым пыштыше Российысе икмыняр лӱмлӧ писатель ден поэтын лӱмгечышт палемдалтеш: А.С.Грибоедовын (230 ий), А.П.Чеховын (165 ий), И.А.Бунинын (155 ий), А.И.Купринын (155 ий), С.А.Есенинын (130 ий), М.А.Шолоховын (120 ий).
Акций лудмаш тӱвырам вияҥдымашке, тыгак самырык еҥ-влак коклаште уста литератор-влакым пален налмашке виктаралтын. Россий мучко тунемше-влак усталык таҥасымашке ушнен да сылнымут да артист усталыкыштым тӱрлӧ номинацийыште ончыктен кертыт:
«Художественное чтение» (писатель/поэт-юбилярын кеч-могай произведенийжым наизусть сылнын лудмаш);
«Театральная постановка» (писатель/поэт-юбиляр-влакын произведенийышт почеш театральный постановко-влак);
«Авторские стихотворения и проза» (юбилярын стильже дене возымо шке произведений-влак (почеламут/проза), юбилярын произведенийжым умбакыже шуйымаш);
«Писатели и поэты в современном мире» (видеоролик – кызытсе жапыште писатель/поэт-юбилярын ик кечыже);
«Посвящение автору» (писатель/поэт-юбилярлан да тудын усталык поянлыкшылан пӧлеклалтше шке произведений).
Темлыме ик але икмыняр номинацийыште пашам ямдылыман да «Культурадляшкольников.РФ» порталыште личный кабинетыште акцийыш ушнаш йодмашым кодыман.
Пашам 2025 ий 15 октябрь марте колташ лиеш.
Акцийын итогшо почеш театр да литератур аланыште тыршыше-влак гыч шогышо эксперт комиссий сеҥыше-влакын 100 эн оҥай пашаштым ойырен налеш, нуно 2025 ий 11 ноябрьыште «Культурадляшкольников.РФ» порталыште савыкталтыт.