Шорык. Кугу событий-влаклан поян тылзе вуча. У шонымашым илышыш шыҥдареда. Лишыл еҥ-шамыч дене тума тарванен кертеш, но, умылен моштышо улыда гын, нунат лӱдыкшӧ огыт лий.
Презе. Тӱрлӧ шӧрыныштӧ моштымашдам вораҥдараш сай тылзе. Личный илышыште умылымаш, пагалымаш утларак палдырнат. Шкет улшо-шамычлан йӧратыме еҥым вашлияш йӧн лектеш.
Йыгыр. Ятыр у вашлиймашым, еҥ-шамыч дене палыме лиймашым сӧрышӧ тылзе вуча. Усталыкым нӧлташ, шинчымашым пойдараш йӧн лектеш. Тыгодым тазалыклан утларак тӱткышым ойыраыман: пайдале кочкышым кочман да режимым шотышто кучыман.
Рак. Еш дене жапым шукырак эртараш темлалтеш. Июньышто тендан кумылдам тӱрлӧ ситуаций волтен кертеш. Садлан, тазалыклан эҥгек ынже ышталт манын, нуным чын эрташ тунемман. Оксам тышке-тушко кучылтмаш сайыш огеш шукто.
Лев. Пашаште вашталтыш-влак вучат. Тӱрлӧ мероприятийыш ушнен, шканда иктаж-мом ум налын кертыда. Еш да йолташ-влак коклаште тума тарванен кертеш. Но, икте-весым колыштын, чыла умылыдымашым тӧрлаш лиеш.
Ӱдыр. Илышдан чыла шӧрыныштыжат гармоний вуча. Шканда шукырак жапым ойыраш келшен толеш. Личный илышыште уто вашталтышым вучыман огыл, пашаштат – тыгак. Тидыже тыланда келша але уке – шке палемдеда.
Виса. Тылзе лектышан лиеш. Кӱлеш-оккӱллан тӱткышым ида ойыро. Личный илышыште умылыдымаш дене тӱкнеда. Тудым ласкан кутырен тӧрлаш тыршыман. Ты тылзыште тӱрлӧ решенийым рашемдаш логалеш. Шым гана висе, ик гана пӱч калыкмут тидлан лач лиеш.
Скорпион. Пашам ышташ йӧратымыда сай лектыш дене куандара. Нелылык дене тӱкнеда гын, шеҥгеке чакныман огыл, ончыко рыҥ ошкылман. Личный илыш нергенат шарныман. Окса шотышто вашталтыш огеш лий.
Пикшызе. Нерве лушкен кертеш. Шукырак каныза, пайдале кочкышым кочса да яндар южышто коштса. У пашаш, проектыш ушнаш темлат гын, лӱдман огыл. Шӱдыр-влак у кӱкшытым сӧрат. Июньышто тендам шуко романтике вуча.
Ирказа. Лишыл еҥ да родо-тукымда дене вурседылмаш, келшыдымаш тарванен кертыт. Тыгодым шкем кучаш тыршыман. Тазалык шотышто профилактикылан тӱткышым ойырыман. Кугу шонымашдам илышыш шыҥдараш келшыше тылзе.
Вӱд йоктарыше. У еҥ-влак дене палыме лийыда. Тыгодым тошто йолташ але палыме еҥ-шамыч дене вучыдымын вашлийыда. Шкет улшо-шамыч таҥым вашлийын кертыт. Иктаж-могай решенийым ыштыме годым, ончыч сайын шоналтыман. Вара веле тудым шыҥдарыман. Тазалык шотышто тургыжланыман огыл, но стресс лийын кертеш.
Кол. Жапым пайдалын да веселан эртараш темлалтеш. Кеч-могай пашалан куштылгын пижыда гын, лектышдат куандараш тӱҥалеш. Тыгодым еш да тазалык нерген мондыман огыл.