«Марий Эл» кугыжаныш куштышо ансамбль Москошто «Добровидение» X фестивальыште лийын.
Рушарнян, 11 майыште, «Марий Эл» ансамбль москосо мэрий зданий ваштарешысе площадкыште выступатлен. 9 шагат жапыште тӱжем утла участник Тверской да Театральный площадьлаште шке мастарлыкшым ончыктен. Фестиваль Россий мучко мурышо, куштышо, фольклор коллектив-влакым чумырымо дене рекордым шынден.
Таче, 12 майыште, куштышо-влаклан Кугыжаныш Кремль дворецыште выступатлат.
Константин Ивановын лаштыкше гыч налме фото.