18 апрельыште Марий Эл Кугыжаныш Погынын шымше созывшын 45-ше сессийже эртаралтын.
Тушто 20 йодышым ончен лекме. Эн ончычак депутат-влак Марий Эл Конституцийыш икымше лудмашыште вашталтышым пуртымылан йӱкленыт. Тушто республикысе Молодёжный парламентын Кугыжаныш Погынышто законодательный инициативыж шотышто правам пуаш палемдыме нерген ойлалтын. Тыгак Марий Эл Правительстве Председательын у алмаштышыже, Морко районысо 31-ше номеран судебный участкын мировой судьяже да Марий Элысе Судья-влакын квалификационный коллегийын членже верч йӱкленыт.
Сессийыште СВО участник да нунын ешыштлан у полыш, вольыкым ончымаште правилым шуктыдымылан административный мут кучымаш, 23 ийым темыше тулык йоча-влаклан илыме верым пуымаш шотышто полномочийым верысе самоуправленийлан кусарыме шотышто йодыш-влак ончалтыныт. Тыгак депутат-шамыч Марий Элысе Права аралыме шотышто уполономоченныйын 2023 ийысе паша нерген докладшым колыштыныт.