Таче, 28 апрельыште, 14 шагатлан Йошкар-Олашке «Сеҥымаш поезд» толын! Тудо тыште ик шагат шоген.
Кугу Ачамланде сарыште Сеҥымылан 80 ий темме вашеш Горьковский кӱртньыгорно «Сеҥымаш поездым» колтен.
Тушко сар жапысе технике ончер образецан куд платформо, санитар вагон да пасу кухнян кок теплушко-вагон пуреныт. Поездын вуйыштыжо – легендарный Л-4302 сериян паровоз.
Поезд Нижний Новгород гыч 23 апрельыште тарванен. Тудо Горьковский кӱртньыгорно мучко кудалыштеш.
Мемориал составын маршрутыштыжо чылаже 45 станций шотлалтеш, тушто торжественный мероприятий ден пайрем концерт-влак эртат.