11 апрельыште 16 шагатлан Национальный художественный галерейыште «Эхо предков» (6+) ончер почылтеш.
Тушто Россий сӱретче ушемын еҥже-влак Анна Санникова ден Дарина Ильясова живопись да графике пашаштым ончыктат.
Марий Эл гыч сӱретче Анна Санникован творчествыштыже этнический образ-влак тӱҥ верым налыт. Тудын пашаже калыкмут ден калык пале-влакым, акрет годсо юмо-влакын сӱретыштым ончыкта.
Татарстан гыч Дарина Ильясован сӱретлаштыже кӱ сӱретым, петроглифым да балбалым (кӱ меҥгым) ужаш лиеш. Сымыктыш произведенийже-влак ончышым акрет годсо еҥ-влакын усталык тӱҥалтышышкышт вӱдат.
🗒Экспозиций 6 июль марте пашам ышташ тӱҥалеш.