Корно отрасльысе пагалыме пашаеҥ ден ветеран-влак!
Саламлем тендам профессионал пайремда дене!
Промышленностьын чыла отрасльжым вияҥдаш корно ден транспорт инфраструктур полша. Кундемышкына толшо инвестиций, калыкын сай илышыже, тыгак общественный транспортын чарныде пашам ыштымыже да пассажир-влакын лӱдыкшыдымылыкышт автомобильный кугорнын могай улмыж деч шогат.
Тений идалык мучаш марте 300 км утла корным ачалена. Тыге Россий Президентын шындыме задачыжым – региональный кугорнын 50 утла процентшым норматив почеш саемдымым – шуктена. Варажым республикыштына 1500 утла километр нормативлан шотлан толеш.
Тений «Безопасные качественные дороги» нацпроект почеш паша мучашлалтеш да эше кугурак «Инфраструктура для жизни» проект тӱҥалеш. Ончыкылыклан планым ыштыме.
Корно озанлыкысе чыла пашаеҥым ты пашалан ӱшанле улмыжлан да кундемыштына тудым вияҥдымашке надырым пыштымыжлан тауштем.
Тыгак ты кечын корно структурысо ветеран-шамычланат тауштымо шуэш. Те ятыр ий погымо шинчымаш ден опытдам самырык специалист-влаклан пуэнда.
Уло кумылын тыланда тыланем тазалыкым, Марий Элым тӱзатыме верч у кӱкшытым да сеҥымашым!
Тек кажнын илыш корныжо шӱм-чон волгыдылык да шокшылык дене ырыкталтеш!
Ю.В.Зайцев, Марий Элым Вуйлатыше.