Марий Эл Республикысе Пӱртӱс поянлык, экологий, йырвелым аралыме министерстве «Сад памяти» акций ден «Лес Победы» проектым эртарен.
Куяр лесничествыште 2021 ийыште йӱлышӧ 12 гектар кумдыкыш пушеҥгым шындыме.
Тиде акций Кугу Отечественный сарыште колышо еҥ-влакым шарныме лӱмеш эртаралтеш. Тений тушко 150 еҥ ушнен, 40000 утла пӱнчым шындыме.
2020 ий гыч «Сад памяти» акцийыш Марий Элыште илыше 7 тӱжем утла еҥ ушнен да 800 тӱжем утла пушеҥгым шынден.
