Марий Элым Вуйлатыше Ю.Зайцев у автобус деч сравоч-влакым кучыктен. Йошкар-Оласе «Троллейбусный транспорт» муниципальный предприятийын автопаркше эше 40 машиналан пойдаралтын. «ПАЗ» маркан у автобус-влак лишыл жапыште муниципальный да межмуниципальный маршрутла дене кудалышташ тӱҥалыт.
Пытартыш кум ийыште гына республиклан 10 у троллейбусым, 90 у автобусым налме. Тыгак инфраструктурный бюджетный кредит окса дене эше вич троллейбусым налаш кугыжаныш контрактым ыштыме. 2030 ий марте регионым вияҥдыме индивидуальный программе почеш 45 троллейбусым налаш темлымашым пуртымо.
Д.Речкинын фотожо.