Шукынжо, очыни, шыжым укроп нӧшмым поген коденыт, да тудо тугак кия. Нӧшмӧтазалыклан пеш пайдале.
Колит, гастрит годым леве вартышым йӱман: 200 мл шокшо вӱдыш ик кугу совла нӧшмым пыштыман да изиш шинчыктыман.
Цистит годым 200 мл шокшо вӱдыш 4 кугу совла укроп нӧшмым пыштыман, тыгай лемым шым кече йӱман.
Бронхит, пневмоний годым нӧшмым тыгыдемдыман да ик кугу совла порошок ӱмбак 500 мл шокшо вӱдым темыман, изиш шинчыктыман. Лемым 100 мл дене яра пагареш кечеш кум гана йӱман.
Пылышыште йоҥга гын, укропым вургыжге, нӧшмыжге кучылтман. Тудым тыгыдемдыман. Пеллитр шокшо вӱдыш 5 кугу совла кушкылым пыштыман да изиш шинчыктыман. Лемым 100 мл дене кочмо деч ончыч кок тылзе йӱман.
Запор годым сакыр паҥга ӱмбак 2 чӱчалтыш укроп нӧшмым чӱчыктыман да кочман але нӧшман лемым йӱман.
Лишке начарын ужмо годым ик кугу совла кукшо нӧшмым вӱд дене подылын кочман. А свежа укроп шинча давленийым волташ полша.
Йыжыҥ коршта гын, нӧшмым тӱйыман, нӧшмӱй дене варыман (икнаре налман), шым кече шинчыктыман. Корштышо верыш йыгыман.