Йошкар-Олаште илыше 21 ияш рвезе 36 тӱжем наре теҥгелан ондалалтын.
Тудо ик сайтыште ӱдыр дене палыме лийын. Ӱдыр тирыш каяш темлен, билетым онлайн налаш ссылкым колтен. Ссылке почеш эртымеке да банкысе картын данныйжым палемдымеке, рвезын картыж гыч 36 тӱжем наре теҥге йомын. Икмыняр жап гыч ӱдыр тирыш каен ом керт манын возен. Оксам пӧртылташ тӱҥалмекыже гына рвезе ондалалтмыж нерген умылен, палдара Марий Элысе МВД.
Тӱткӧ лийза!