Йошкар-Олаште илыше-влак «Формирование комфортной городской среды» программе почеш рӱдолам тӱзатыме верч азапланат.
Кызытеш тиде программын сайтыштыже (12.gorodsreda.ru) 36 тӱжем утла еҥ ты але вес вер шотышто шке йӱкшым пуэн.
Павленко уремыште йолешке-влаклан келыштарыме корнын проектшылан 1000 утла йӱклен. Ты проект почеш тротуарым алмаштышаш, ты верым тул дене волгалтарышаш, изирак архитектурный фигур-влакым вераҥдышаш улыт.
Тиде проект «Формирование комфортной городской среды» программе почеш ачалалтеш мо? Тидын нерген 30 май деч вара пале лиеш. А кызыт ты числа марте эше йӱклаш лиеш.