Кодшо арня мучаште Г.Константинов лӱмеш Руш академический театрыште Верысе самоуправлений кечым пайремленыт.
Республикысе муниципальный образованийласе пашаеҥ-влакым Марий Элым Вуйлатыше Ю.Зайцев саламлен. Тудо верысе кучем управлений системыште ик эн лишыл да умылаш лийше манын.
Тений икымше гана Россий Президент В.Путинын кӱштымыж почеш «Малая родина – сила России» форум эртаралтын. Верысе самоуправленийын ятыр представительже тушко чолган ушнен, а южыштлан сулен налме наградым кучыктымо.
А ты кечын Марий Элым Вуйлатышын кидше гыч эше 34 еҥ наградым налын.