Медицине
Марий Элыште «Земский врач» ден «Земский фельдшер» программе-влакым илышыш шыҥдараш манын, федеральный бюджет гыч 35,7 млн теҥгем ойырымо.
Республикын Тазалык аралтыш министерствыже 27 врач ден 7 кыдалаш медпашаеҥ дене договорым ышта. 14 специалистым тора верлашке калыкым обслуживатлаш колтат.
2023 ийысе у правил почеш «Земский фельдшер» программе дене врачебный амбулаторийыш пашаш кайыше фельдшер, акушерке да медсестра-влак пайдаланен кертыт. Кызыт Юрино районысо эмлымверыште медпашаеҥ-влак кӱлыт.