Звенигово оласе «Водник» стадионышто Российысе «Нацийын кроссшо – 2023» спорт мероприятийлан стартым пуымо.
Куржталаш йӧратыше-влаклан тыгай кроссым элыштына 2004 ий годсек сентябрьыште эртарат. Тудо «Спорт – норма жизни» проект почеш илышыш шыҥдаралтеш. Ты мероприятийыш ушнаш кумылан-влак Марий Элыштат кажне ийын ешаралтыт. Теният тушко 10 тӱжем наре еҥ ушнен, палдара спорт да туризм министерстве.