Марий Турек ола шотан илемым вуйлатыше А.Н.Суворовын да тудын командыжын калык дене сай кылым ыштен моштымыштым кӱкшын аклыме.
Ты шотышто вуйлатышылан Российыште 1-ше верым налмыжлан наградым РФ экономикым вияҥдымаш министрже М.Решетников кучыктен. А Россий Президент пеленысе Верысе самоуправленийым вияҥдыме шотышто советын президумжын членже И.Гусева 19 тӱжем поселений лӱм дене Алексей Николаевичлан СВО-ш икымше кечыла гычак шке кумылын кайымыжлан тауштен. Тудо Кировск, Попасное, Рубежное воктенысе бойышто кредалын. Сусыргымеке, шочмо посёлкышкыжо пӧртылын да кызыт шке сомылжым шукта.
