300 утла пӱнчым шынденыт

УФСИН РМЭ

Марий Элыште судитлыме вуеш шушо рвезе-влак Чуркан ер воктене чодырам шынденыт.

Тиде мероприятий «Шарнымаш сад» акций кышкарыште эртен. Кугурак инспектор Александр Бурдаков дене самырык-влак 300 утла пӱнчым шынденыт. Палемдыман, кодшо ийын ты верыште чодыра шуко йӱлен.

План почеш 22 май марте Марий Элысе районлаште чодырам шындаш шонат. 18 лесничествыште 200 тӱжем пӱнчӧ росотам 77 гектарыште вераҥденыт.