Марий Эл Правительствыште пеҥгыдемдыме план почеш Российысе калык-влакын тӱвыра поянлыкышт идалыклан пӧлеклалтше 30 утла мероприятийым эртараш палемдыме.
Шукерте огыл «Марий Эл Республикын самырык талантше-влак» конкурс лие. Кызыт финн-угор театр-влакын «Майатул» фестивальышт кая. Тыгак Пеледыш пайремым да «Корни» фотографий ден видеофильм конкурсым эртараш, «Черемисская рапсодия» документальный фильмым ямдылаш, композитор Андрей Эшпайлан бюстым почаш, «Музейные маршруты России» просветительский проектым шыҥдараш да моло пашамат палемдыме.