Российыште специальный военный операцийын участникше-влакым военный вузыш ынде 27 ияш марте огыл, а 30 ияшышт марте налыт, увертареныт Обороно министерствыште.
2024 ийыште боевой действийын участникшылан вузыш тунемаш пурышо-влакын чумыр чотышт гыч 10 процент квото лиеш. Тылеч посна военнослужащий-влак спецопераций годым наградым налыныт гын, вступительный рейтингышкышт 10 балл ешаралтеш. Тыгак тений чыла абитуриентлан документым пуымо жапым шуйымо – 1 май гыч 20 июнь марте.