«Кугарня» газетлан да Марий самырык театрлан – 30 ий!
Лӱмгече вашеш шуко оҥай мероприятий эртаралтеш. 5 июньышто Волжский районышто Шарибоксад ялыште («Морской глаз» ер) курыкышто куржталмаш: VIII чемпионат да Волжский муниципал районын первенствыже, Марий Эл Республикын открытый кубокшо, Россий гран-прин IX этапше, курыкышто куржталмаш спортын ветеранже коклаште Россий гран-прин VIII этапше да 4×1000 м эстафете.
Программе:
11.00 шагат – Волжский район администрацийым вуйлатышыжын, «Кугарня» газет директорын, Самырык театрын директорын да моло официальный еҥын да уна-влакын саламлыме мутышт.
11.30 шагат – Старт.
14.30 шагат – Пӱртӱс лоҥгаште кечывал кочкыш.
15.00 шагат – Сеҥыше-влакым саламлымаш, пӧлекым кучыктымаш.
19.00 шагат – Нур-Шайра ялысе клубышто юбиляр-влакын вийышт дене шындыме концерт. Пайрем мероприятий «Поезд культуры» республикысе проектыш пура.
Мероприятийым эртарыше-влак: Волжский район администраций, ГУКП «Газета «Кугарня», ГАУК «Марий самырык театр».