11 январьыште Марий Эл Республикысе Конгресс полатын залыштыже Марий Эл Кугыжаныш Погынлан 30 ий темме лӱмеш торжественный заседаний лийын.
Тушто кӱслезе-влак шоктеныт, марий йоча хор гимным мурен. А законодательный органым вуйлатыше А.В.Смирнов коллеге-депутат-влакым саламлен, пырля пашам ыштымылан тауштен. Марий Элым Вуйлатыше Ю.В.Зайцев Кугыжаныш Погынын депутатше-влаклан тауштымашым кучыктен. Тыгак погынышо-влакым РФ-н сенаторжо, Федераций Советыште Марий Эл деч еҥ С.Мартынов ден К.Косачев, Марий Элысе тӱҥ федеральный инспектор С.Беляков саламлен ойленыт.
Варажым Кугыжаныш Погынын пашаж нерген А.Смирнов, Г.Александров, В.Злобина, О.Цветкова шарналтеныт.
