Тений Российысе «СМИротворец» XIII конкурсышко 1350 участник шке пашажым темлен. Тышеч 37 СМИ ден блог финалыш лектыныт.
Конкурсышто печатный, интернет-савыктыш, блог, теле- да радиоканал-влак участвоватленыт. Жюрилан 14 тӱжем утла пашам ончен лекташ логалын. «Федеральные и региональные СМИ» категорийыште 14 СМИ сеҥен. «Этнические и локальные СМИ» категорийыште 12 призёр уло. Моло номинацийыштат сеҥыше-влакым палемденыт.
«Детские и молодёжные СМИ» номинацийыште кумшо верыш Йошкар-Оласе МЭТР логалын. Тушто МЭТР-ын марий журналистше Наталья Ямаевалан «Авай дене пырля» проектше дене ойыртемалтмыжлан наградым кучыктеныт. Марий Турек вел ӱдыр ятыр ий телевиденийыште тырша. Шкешотан передачым тудо шым ияш Аня ӱдыржӧ дене пырля ик ий ончыч ямдылаш тӱҥалын. Саламлена!