ШЕРНУР районысо Купсола гыч Шабдаровмыт ешын кум йыгыр эргышт-влакын «Тройняшки» ансамбльышт «Золотые таланты России» фестиваль-конкурсышто Гран-прим сеҥен. Рвезе-влак тушто «Йорга каче-влак», «Удальцы молодецкие» калык куштымаш-влакым ончыктеныт. Конкурс Киров олаште эртен. Тудо ача-ава деч посна кодшо, инвалид, шуко шочшан ешыште кушшо йоча-влакын талантыштым калык коклаште шыҥдараш, нунылан вияҥаш полшаш келыштаралтын.