28 июльышто пистын лышташыже нарынчемаш тӱҥалын гын, шыжым вараш вучыман. Моло пушеҥге писте деч ончыч нарынчемыт – шыже молгунамсе деч ончыч толшаш.
29 июльышто лупс шудышто кечывал марте шога – шокшо игечылан.
30 июльышто шокшо да кукшо кече шагал луман да йӱштӧ телым шижтара.
31 июльлан куэ вуйжо гыч нарынчемаш тӱҥалеш гын, эр шыжылан.
1 августышто кукшо, ояр, шокшо кече кукшо леве шыжым шижтара.
2 августышто шокшо гын – кужу телым вучыман.
3 августышто эҥыремыш эҥыремышвотшым ок пуно – йӱрлан.