28 апрельыште тыге ойленыт: «Шошым куралме годым йӱштӧ лийын гын, шошо ага годым шокшо лиеш, да мӧҥгешла».
29 апрельыште касвел мардеж пуалеш – ночкылан.
30 апрельыште кече яндар каваште лектеш гын, кукшо кеҥежлан, пыл шеҥгеч гын – кеҥеж йӱран лийшаш.
1 майыште шокшо гын, тылзе мучаште йӱштӧ лийшаш, да мӧҥгешла.
2 майыште кастене ӱшык, шӧртнялге ӱжара – сай игечым вучыман.
3 майыште кок але кум шонанпыл ӱмбала койыт гын, лишыл кечылаште йӱран игечым вучыман.
4 майыште ломбо пеледын – шокшо кеҥежлан. Кунар ондакрак тудо пеледеш, тунар кеҥеж шокшырак лийшаш.