Марий Элыште да марий-влакын моло илыме регионышто «Марла чын возена» Х тӱшка диктантым 8 декабрьыште возена.
Диктантым возымашке кеч-могай ийготан еҥ ушнен кертеш.
Йошкар-Олаште тидлан кок верым ойырымо: С. Г. Чавайн лӱмеш калыкле книгагудо да Марий кугыжаныш университетын Калыкле тӱвыра да тӱвыра кокласе кыл институт.
Регистрацийым 9 шагат гыч эрташ лиеш. Тӱшка диктантым 10 шагатлан возаш тӱҥалыт.
Диктантым тыгак онлайн возаш йӧн уло. Тиде жапыштак Марий Эл радио, «Акпарс» студий, МЭТР телеканалыште вияш эфирыште диктантым лудыт.