Спартакиаде — Волжский районышто

27-28 октябрьыште Волжский районышто призыв деч ончычсо самырык тукымын А.Даниловлан пӧлеклалтше спартакиадыже  эртаралтын.

Икымше кечын рвезе-влак «Приволжский» бассейныште иймаш дене таҥасеныт. Вес кечын пневматический винтовко гыч лӱйкаленыт, гранатым кышкылтыныт, 100 да 1000 метрыш куржыныт. Чыла вид дене личный зачётышто абсолютный чемпион лӱмым Д.Купоров налын. Кокымшо верыш Н.Алексеев лектын, кумшышто – Д.Алпаев.