Волжский межрайонный прокуратур еҥ-влакын йодмышт почеш «Волжск ола» ола округ администрацийын пашаштыже корнышто лӱдыкшыдымылыкым ыштыме шотышто законодательствым шуктымым терген.
Оласе Дружба уремын 11-ше номеран пӧрт воктенже корнышто лаке-влак улыт. Йӱр йӱрмеке, посна участкылаште вӱд шуко погына, тыгодым кудывечыште вӱд йоген каяш сооружений уке.
Прокуратур ола округ администрацийым вуйлатышылан представленийым луктын. Но туддеч варат экшыкым кораҥдыме огыл.
Волжский межрайонный прокуратур судыш искым колтен. Судын пунчалже почеш ола администраций корным шотыш кондышаш да водостокым ыштышаш. Экшыкым кораҥдымешке, ситуацийым прокуратур терга.