Россий мучко тиде мондалдыме кече лӱмеш акций кая. Йошкар Олаштат таче 12 шагатлан самыры-влак рӱдер вуйлатыме дене волонтёр-влак блокаде пагытысе неле жап ынже мондалт да киндын чын акше тыгай ситуацийыште могай лиймым ушештарыме акций лийын. Тидлан лийын калыклан 200 грамм кинде шултыш дене тунамсе тудын составшым ончыктышо кагазым да блокаде пеш шучко улмым ушештарышеым памятке-влакым пуэденыт. Мероприятийышке блокаде жапыште Ленинградысе йоча пӧртын кок ият пелаш ончычсо воспитанникше В.М. Славин лийын. Тудо шинчавӱд дене пырля сар пагытысе тиде жап нерген мом шарнымыжым ойлен да тыныслыкын нимо денч шерге улмыжым калыклан эше икана ушештарен.
