Марий Элысе лач тынар ешлан РФ-ын Пенсий фондшо гыч кугыжаныш окса полыш пуалтеш.
Тышеч 21 тӱжем ешыжлан 8-17 ияш йоча-влаклан пособий тӱлалтеш. Ты кугыжаныш полышым илен лекташ кӱлмӧ эн изи кугытым ончен пуат. Марий Элыште парыш 12250 теҥге деч шагал лийшаш.
718 ешлан ава капиталын ужашыжым кажне тылзын пуат, тыгодымат парышым шотыш налыт. Инвалид йочам ончышо ача-аваланат окса полыш уло. Республикыште 1712 ача але ава тидлан кажне тылзын 10 тӱжем теҥгем налеш.
Фотошто: «Идалыкын ешыже» Российысе конкурсышто Марий Эл деч участвоватлыше да сеҥыше.