30 апрельыште 12.gorodsreda.ru сайтыште ФКГС федерал проект почеш йӱклымаш мучашлалтеш. Йошкар-Олаште, Волжскышто, Козьмодемьянскыште, Звениговышто да Медведево посёлкышто 2025 ийыште тӱзаташ палемдыме кумдык-влак ойыралтыт. «Формирование комфортной городской среды» проектыште йӱклымаш нерген шукырак еҥ пален налже манын, Российысе Минстройышто кугу паша каен шоген. Тылеч посна 27 апрельыште Российысе субботникым эртарат.
Арулык марафоныш шке кудывечыштым, уремыштым аруракым ышташ шонышо еҥ-влак ушнен кертыт. Субботник годым Марий Элыште илыше (14 ий деч кугурак ийготан) еҥ-влак Российысе онлайн-йӱклымашын волонтёржо-шамыч дене кутырен, келшыше кумдык верч йӱкым пуэн кертыт.
Ушештарена: йӱклымаш Россий Президент В.Путинын темлымыж почеш ямдылыме «Жильё и городская среда» нацпроектын «Формирование комфортной городской среды» федеральный проектше почеш кая.