30 августышто Марий Элыш Россий Президентын Юл кундем федеральный округысо полномочный представительже Игорь Комаров толын коштын.
И.Комаров ден Марий Элым Вуйлатышын пашажым жаплан шуктышо Ю.Зайцев оласе Брюгге набережныйым ончалыныт. Кызыт тушто тÿзатыме паша «шолеш». Тыгак Креативный индустрий школыш пурен лектыныт. Тудо 1 сентябрь гыч пашам ышташ тÿҥалеш.
Тылеч посна И.Комаров «iSpring» компанийыштат уна лийын. Тиде компаний IT-технологий коклаште ик эн ончылно шотлалтеш. IT-индустрий алан вияҥмылан кöра кызытсе жаплан келшыше специалист-влакым ямдылат.
Ю.Зайцев ончыкылык паша планже дене палдарен да Угарман кундем ден чекыште чодыра пожарым чактарыме нерген увертарен.