УГИБДД-н пашаеҥже-влакын увертарымышт почеш, Кужеҥэр районышто «Руш Кугунур — Кульшит» кугорнын 8-ше километрыштыже ДТП лийын.
15 августышто эрдене Fiat машинан 19 ияш водительже машинам виктарен кертын огыл да кюветыш шуҥгалтын. Рвезе ДТП вер гыч шылын каен да аракам йӱын. Госавтоинспекций пашаеҥ-влак машинан озажлан административный материалым ыштен. Кызыт аварийын амалже рашемдалтеш.