13 августышто Физкультурникын кечыжым палемденыт. Пайрем мероприятий Республикысе курчак театрыште эртен. Тушто Марий Эл Республик вуйлатышын пашажым жаплан шуктышо Юрий Зайцев спортсмен, тренер, спортын ветеранже-влакым саламлен, сай пашам шуктымылан тауштен да почётан наградым кучыктен.
Ю.Зайцев тайский бокс дене чапым сулен налше Татьяна Петровалан «Тӱнямбал кӱкшытан Российын спорт мастерже» лӱмым пуэн. Марий Эл Республикын главан таумутшым Медведево спорт школын тренержылан Андрей Аммосовлан, Олимпийский резервын спорт школын инструктор-методистшылан Галина Ивановалан, тренер-влаклан Валерий Миковлан да Екатерина Толстухиналан кучыктен.
Фото-влакым marimedia.ru сайт гыч налме.