Килемар районышто Российысе фольклор-этнографий «Тукым мланде» / «Шачмы мӱлӓндӹ» фестиваль-форум эртаралтын.
Форум 3,5 тӱжем еҥым Марий Эл, Татарстан, Чуваший, Угарман область, Ямало-Ненецк автономий округ да моло регионла гыч Церкысолаш поген.
Фестивальыш толшо-влаклан мастар-влакын ончерыштым, калык коллектив-влакын концертыштым, спорт модышым да молымат ямдыленыт.
Мероприятий Российысе калык-влакын тӱвыра поянлыкше идалык лӱм дене эрта.
