Йошкар-Оласе Перинатальный рӱдерын данныйже почеш, тений пел ийыште тыште 2258 аза шочын.
Нунын коклаште 25 йыгыр уло. 180 азам ава-влак срок деч ончыч ыштеныт. Теве июньышто 415 аза ош тӱням ужын, нунын коклаште 204 эрге да 211 ӱдыр, ныл йыгыр да жап деч ончыч шочшо 28 аза улыт.
Йыгыр-влак шотышто статистикым ончалаш гын, кодшо ийлаште нуно шукынрак лийыныт. Ӱмаште 59 йыгыр, ик ешыште иканаште кум йоча шочыныт! 2021 ийыште 52 йыгыр улмаш, но 53 ӱдырамашлан шукынрак азам шочыктеныт. А 2020 ийыште 63 йыгыр лийын да ик ӱдырамаш кум йочам ыштен.
Кодшо кечылаште Перинатальный рӱдекр икымше гана йыгыр-влакым икымше гана куандарен. Тыгай пиал Советский район Роҥго селаште илыше Олеся Воронцовалан логалын. Тудын йыгырже-влаклан — Артур ден Тимурлан — комбинированный коляскым кучыктеныт.