Ожно ты жапыште кӱдырчан йӱр чӱчкыдын йӱрын манын ойленыт. Кресаньык-влак шнуй Ольга деч сай игечым йодын кумалыныт, вет кукшо шудым поген налаш кӱлын.
А эше ты кечын Коркашӱдырым онченыт. Тудо чот волгыдо гын, уржа-сорла жап сай лиеш. Тудо ӱлнырак верланен гын, лышташ вараш велаш тӱҥалеш.
Кӱдырчӧ кӱдыртылеш гын, вес кечын кол сайын чӱҥга. Кӱдырчӧ тора гыч шокта – йӱр кужун шуйна, пудешталтше йӱкан – шып йӱрлан.
Эҥыремыш эҥыре-мышвот покшелне шинча – йӱрлан.
Ояр шокшо игече – сай шурно лектышлан.
Ӱвыра витара – шыжым поҥго шуко лиеш.
Ваштар, куэ але шопке гыч лышташ ондак велаш тӱҥалеш – шыже вашке толеш.