Пашан ветеранже нерген

Пашан ветеранже нерген

«Пашан ветеранже» лӱмым кӧлан пуат? Нимогай награде уке гынат, налаш лиеш мо?

М.Милютина.

У Торъял район.

 

Марий Эл Республикын социальный вияҥмаш министерствыже умылтара:

– Марий Эл Республикын 2006 ий 4 октябрьыште лукмо «Об условиях или порядке присвоения званий «Ветеран труда» и «Ветеран труда Республики Марий Эл» закон дене келшышын, «О ветеранах» федеральный законын 7-ше статьяже почеш Пашан ветеранжылан шотлалтыт:

 «Пашан ветеранже» удостоверениян еҥ-влак;

 СССР-ын але Россий Федерацийын орденже але медальже дене наградитлалтше, я СССР-ын але Россий Федерацийын почётан лӱмжым сулышо-влак, я Россий Президентын почётан грамотшо дене наградитлалтше але Россий Президентын таумутшым налше-влак, я пашаште (службышто) надырым пыштымылан да 15 ий деч шагал огыл тыршымылан ведомственный отличий знак дене палемдалтше да 25 ий (пӧръеҥлан) але 20 ий (ӱдырамашлан) деч шагал огыл паша (страховой) стажан (пенсийым палемдыме годым шотыш налшашлык) еҥ-влак;

 Кугу Отечественный сар годым ийготыш шудымо жапыште пашам ышташ тӱҥалше да 40 ий (пӧръеҥлан) да 35 ий (ӱдырамашлан) деч шагал огыл паша (страховой) стажан еҥ-влак.

Марий Эл Республикын ветеранжылан шотлалтыт:

 Марий АССР-ын, Марий ССР-ын, Марий Эл Республикын кугыжаныш наградыж дене палемдалтше да шоҥгылык шотышто страховой пенсийым палемдаш кӱлеш паша стажым погышо 60 ийыш (пӧръеҥ) да 55 ийыш (ӱдырамаш) шушо еҥ-влак;

 60 ийыш (пӧръеҥ) да 55 ийыш (ӱдырамаш) шушо але инвалидность да пукшышым йомдарыме шотышто страховой пенсийым налше еҥ-влак, кудыштын 45 ий (пӧръеҥлан) да 40 ий (ӱдырамашлан) деч шагал огыл паша стажышт уло, тыгодым Марий кундемысе предприятийлаште, организацийлаште ыштыме паша стаж 25 ий (пӧръеҥ) да 20 ий (ӱдырамашлан) деч шагал огыл лийшаш.

«Пашан ветеранже» да «Марий Эл Республикын пашан ветеранже» лӱм-влакым Марий Эл Республикын социальный вияҥмаш министерствыже пуа. Тыгай лӱм-влакым налаш манын, калыклан социальный полышым пуышо рӱдерыш, шуко функциян рӱдерыш тыгай документ-влакым пуыман:

Умбакыже — 10 июньысо газетыште. Кевыт