23 февральыште Йошкар армийын шочмо кечыже палемдалтеш.
Лач ты кечын 1918 ийыште РСФСР-ын Калык комиссар-влак советын декретше почеш (тудым 1918 ий 15(28) январьыште пеҥгыдемдыме) кумылан еҥ-влакым РККА-н отрядлашкыже возаш тӱҥалыныт. А 1918 ий 13 апрельыште латыш лӱйкалыше-влак кокла гыч икымше дивизийым чумырымо, тудо Латыш стрелковый дивизий маналтын. Йошкар армий 1946 ий 25 февраль марте лийын, варажым – Совет армий, кызыт – Россий армий.