24-ше апрельлан Марий Элыште COVID дене шым еҥ черланен. Нунын черыштым лабораторийыште пеҥгыдемденыт. Нунын кокла гыч кокытшым эмлымверыш пыштеныт.
Черланыше-влак 0,02% -лан шукемыныт, инфекцийын шарлыме коэффициент 0,86 %-лан кушкын.
Шым черланыше кокла гыч ик еҥ кыдалаш состоянийыште улыт, визытын куштылгын черланеныт, а ик еҥ – симптом деч посна.
У черланыше кокла гыч ныл пӧръеҥ ден кум ӱдырамаш улыт. Вич пенсионерлан да ик тунемшылан COVID-19 инфекций пижын.
Вирусан еҥ-влак тӱрлӧ илыме вер гыч улыт: Йошкар-Ола (1), Волжск (1), Марий Турек (3), Провой (1) да Оршанке (1) районла. Сутка жапыште SARS-CoV-2-лан 2075 тестым ыштыме.